Chair MaMa 的愛美日誌

聽講係美魔女們既凍齡秘訣 - SKII護膚精華！

每日OT捱夜、加上大大小小既聖誕party，淨係保濕？唔夠！
今次試用Vichy既理想新肌嫩膚精華同理想新肌面霜！首先，呢個系列既色調係粉紅色，就連精華同面霜都有淡粉紅色，好靚！再仔細睇下，呢個理想新肌系列加入左理想新肌複合物，可以深入到真皮層，可即時令肌膚飽滿以及改善肌膚，令肌膚維護理想既狀態。  

GUCCI極緻纖長睫毛膏令我對GUCCI既彩妝系列改觀，甚至對佢另眼相看，更有衝動買晒一set黎試呀！大家都知GUCCI係國際知名品牌，更係一個老牌子，但佢進軍左美容界只係年幾既時間，而且價格比較高，所以初初我都係以為佢地只係賣名氣、「有名無實」、「虛有其表」，用過呢枝睫毛膏之後，你就知有幾好用，先明白GUCCI既產品係物超所值，絕對唔係虛有其表！

論天氣乾燥與否，肌膚既保濕都佔左一個重要既部份，特別係冬天~天氣好乾燥既時候。
Bicelle既B5補濕抗氧限量體驗組合就滿足左我貪新鮮、想試啱先買既要求，可以試齊全效維他命B5補濕精華、全效維他命B5補濕霜同B5抗氧補濕面膜，仲有$20現金券，等我可以試啱就買，同時減輕下我荷包既負擔！

唔好再亡羊補牢啦～我深信緊緻抗老係每日都唔可以缺少既部分！

R.N.A.立體緊緻精華霜係一個唔錯既選擇～佢既質感好柔滑，有淡淡既香味，由於好易推開既關係，每次只係用好少就已經搽晒成塊面，仲好快吸收晒，潤得黎又唔笠。用後皮膚會有光澤，改善左暗啞既問題，成個人睇落精神左！只係用左短短幾日，細紋幼紋慢慢減淡，同時覺得塊面firm左冇咁腫！    

花膠係養顏恩物，相信每個女士都想日日食一小碗去美顏，我都唔例外，但奈何花膠都唔平架，小資女又想靚又有限錢～依家有個唔錯既選擇啦：彩豐行CL花膠養顏精華！只係二百幾蚊就有60ml，保質期四個月！你話吖～二百幾蚊食唔食到四個月既花膠吖？仲要日日食喎！
呢枝精華除左含花膠精華，價錢相宜之餘，仲含有微膠原肽同一啲天然、有機既分子，咁細既分子不單止可以好快咁比皮膚吸收晒，亦可以減輕皮膚既負荷～唔使好似啲大分子咁，皮膚要做一輪野先吸收到，做少左野喎～皮膚梗係精神好多啦！仲可以保濕美白、減淡細紋、令皮膚更彈手、更有光澤，日日keep住用，相信化妝都可以輕手好多，甚至素顏出街都得呀！真係一枝搽得到係面既花膠（精華）呀！ 

 天氣日漸乾燥，又經常要出入冷氣地方，除了需要飲水去補充水份外，我們也需要用更滋潤的護膚品去補充皮膚的水份，令皮膚也可以「飲飽水」。這枝琥珀肌保濕化妝水就是一個不錯的選擇，價錢平民化之餘，更不含防腐劑、酒精及香料，以及含有琥珀精華，保濕之餘也令皮膚增加彈性及光澤。配合面霜使用更可令水潤感加倍！皮膚乾燥不但會令細紋增生，就會令我們看下去顯得更老，更會利誘其他肌膚問題的𧗠生，因此每天我們都應該做好保濕的工作。加上，添加太多化學物質的護膚品更會損害我們的皮膚，特別是化妝水，很多化妝水都添加了酒精，相信有使用導入導出儀去導入保濕化妝水的姊妹都有留意到這個問題！所以這一枝化妝水可以幫到我！ 

化妝水的設計簡約，主要由文字組成，字裏行間都說明了該化妝水配合了琥珀，會使肌膚水潤，包裝已經很吸引！

最近我參加左個試用呀 - 輕鬆洗衣2部曲：寶絲低敏潔淨+金紡柔軟清新， 呢支洗衣液同柔順劑都係經專業皮膚測試驗證，配方温和不刺激，所以無論大人同細路、無論皮膚狀況如何都可以用架！柔順劑我就選擇左『親親BB』，我貪佢隻味淡香又天氣，唔會香到我唔自在，即使好近咁聞都係聞到少少香味架咋，啱晒我！又唔會遮我啲香水味，即使小小都唔會！！而且呢隻柔順劑可以用１滴去做到普通柔順劑４滴即柔順效果，好濃縮架，所以每次用少少就夠架啦！我最滿意既就係～啲衫都好柔順，好過我之前用個隻，我嫌之前個隻洗完啲衫唔夠soft，所以真係好感激相關公司比我參加試用，令我揾到一隻啱自己既柔順劑！之後我都會轉用寶絲低敏濃縮洗衣液同金紡新精神系列衣物柔順劑 ｰ 『親親BB』，你地都試下啦ヾ(*´∀｀*)ﾉ
再一次感激相關公司比我參加該次試用活動！

又係我啦喂🙋🙋🙋今次我參加左BETADINE®喉痛漱喉體驗活動，試左PVP-I消毒漱口水！你知啦~喉嚨痛好辛苦架嘛~講句野都勁辛苦！想鬧人都力不從心呀😔仲有好怕傳染俾屋企人，係屋企都戴口罩呀陰公😷