Chair MaMa 的愛美日誌

好榮幸可以參與《SOFINA搶先試用！綻放美唇魅力！》活動，可以率先試用Sofina最新推出既AUBE Couture Essence Lip Colour修護精華唇膏液同修護精華護唇液。

首先講下AUBE修護精華護唇液，透明之餘又帶有閃粉，搽左上嘴之後感覺到有一層薄膜包住幼嫩既雙唇，配合閃粉，雙咀顯得更水潤幼滑。除左可以當作潤左膏，仲可以有以下用途：
1.搽係現有唇膏之上，會令唇膏既顏色既顯現之餘，更有修護效果。
2.作為唇膏打底，可以減淡唇紋，亦令唇膏更易上色、更顯色
3.更可以當作唇膜，於晚上搽上一層，第二日起身仲會有護唇液係雙唇上，並唔會乾晒架！而且大部分既唇紋已經減淡，唇膏上色都易啲，令雙唇更幼嫩。

另外就係AUBE修護精華唇膏液，佢有十一隻色，分左四個色系，而今次我試用既唇膏液係玫瑰色系既RS401，記住啦~編號最後既數字係『１』既唇膏液係可以fit到唔同既膚色既couture color，可以講係百搭！更係色系既中心！呢隻AUBE修護精華唇膏液亦係帶有閃粉，質感同修護功效與修復精華護唇液相約，更可以遮蓋脫皮及唇紋，令雙唇更豐盈飽滿！呢隻色(RS401)比較自然，睇落都比較斯文大方，即使化淡妝都用得，甚至素顏得黎想有啲血色都啱用呀！

其實佢地當中都係採用高保濕密封塗膜，保護雙唇，預防嘴唇既水分蒸發，令雙唇保持水潤亮澤、飽滿滋潤！加上，佢既包裝獨特，令我諗起鑽石既切割面，塗抹後雙唇更瑰麗無瑕，而且大小啱啱好，放手袋fit晒！另外，護唇液&唇膏液亦有淡香，掃頭大小恰當，一掃便可，十分方便！叫我如何不愛它！
最後，我都用左呢支唇膏液同護唇液一個星期有多啦，有以下既小貼士：
1.訓前搽一層護唇液，第二日上妝後再搽唇膏液都keep住修護雙唇，令兩唇保持水潤
2.上妝前先搽護唇液，化好妝之後，唇紋已經減淡，到時搽咩唇膏都靚靚啦~
3.搽左唇膏之後想雙唇更有立體感、更閃亮，甚至更水潤豐盈，可以搽一層護唇液架~更有修護功能添
你地都快啲試下啦！！