GUCCI極緻纖長睫毛膏令我對GUCCI既彩妝系列改觀，甚至對佢另眼相看，更有衝動買晒一set黎試呀！大家都知GUCCI係國際知名品牌，更係一個老牌子，但佢進軍左美容界只係年幾既時間，而且價格比較高，所以初初我都係以為佢地只係賣名氣、「有名無實」、「虛有其表」，用過呢枝睫毛膏之後，你就知有幾好用，先明白GUCCI既產品係物超所值，絕對唔係虛有其表！
呢枝極緻纖長睫毛膏既掃頭係專業掃頭、比較修長，即使新手都好易上手，每條睫毛都可以均勻地掃到，唔會出現曱甴腳。記得先要用睫毛夾夾曲睫毛，再搽上睫毛膏，就可以令睫毛更纖長更捲曲，令雙眼更大更有神，打造迷人電眼！另外佢持久不脫妝，行左半日街都keep到，再配合時尚既包裝，簡直係化妝袋入面一件accessory，不容錯過！
金色既Gucci標誌配上黑色，係Gucci既style！簡單得黎又富有時尚感！
呢款睫毛膏既樽蓋有Gucci既經典壓紋，而樽身就係鋼琴面，唯一既缺點就係每次用完後留有指紋。
呢款睫毛膏有三隻色，今次試既係020 COCOA，朱古力色。
掃頭修長，即使新手都掌握到，好易控制！
先用睫毛夾夾曲睫毛，然後搽上眼睫毛，再搽下眼睫毛就完成啦！
用後睫毛較長較捲曲，令雙眼睇著大左，又有神，亦好自然！
用普通卸妝水就能輕易卸掉！卸左先發現，睫毛膏係帶有閃粉，好自然好靚！
卸掉左眼既睫毛膏，等大家可以容易對比，右眼的睫毛明顯較長，但我只係薄薄搽左一層，完成冇曱甴腳既情況！
- 產品由品牌 x iTrial 提供。
- 純屬個人的感受。
- 免責聲明
：此網站所發表的全部文章純粹個人意見感受。
產品成效因人而異。
建議閣下先自行了解產品再作考慮。
不代表品牌的言論和立場。
如從而引起任何損失或法律糾紛，本人概不負責。
文章標籤
全站熱搜
個人護理用品試用 (1)