Chair MaMa 的愛美日誌

美容院療程既費用往往係唔平，加上工作、家庭等既因素令我未必夾到時候去做facial，所以都令我對美容院卻步，就住呢啲種種既理由，Eurobeauté就推出左一系列既高端家用美療產品，等我地可以利用不同家用美療產品創造出我地獨享既Home Salon，比我地隨時都可以享受到美容院質素既產品！

今次既自訂5天試用體驗Home Salon Therapy中，我選用左以下六款產品：

1. 緊緻嫩肌導入原液 4ml/小瓶

2. 再生水凝修護霜 50ml

3. O2深層注氧補濕面膜 1片 

4. V-lift極緻塑形提升面膜 1片

5. 亮白黑啫喱眼膜 1片

6. 毛孔淨化2 in 1去黑頭套裝 1套

利用以上既六款產品，我自己制定五天既Home Salon，係屋企好好護理肌膚，致力打造無瑕水嫩肌～

Day 1: 1. 緊緻嫩肌導入原液 + 3. O2深層注氧補濕面膜 + 2. 再生水凝修護霜

潔面爽膚後先用緊緻嫩肌導入原液，作為面膜前既打底或者係當精華用都好正架，質地較水狀、易推開、易吸收，所以用既份量唔需要多，慳慳地用我可以用到五日左右（早、晚使用）～每小瓶原液只有4ml，仲要用玻璃樽裝，保證新鮮！再加上無色無味，亦都晒敏感肌既朋友使用！用後肌膚更水潤彈滑，而細紋幼紋亦開始減淡，配合適當按摩既話，成塊睇落會v左firm左添，加上勝在夠新鮮～

之後我就會敷返個O2深層注氧補濕面膜，佢係一set三件既，包括有一大包乳白色既營養啫喱、白色既營養粉末同一個小刮，只要將營養粉末加入營養啫喱再攪拌成乳霜狀，再均勻塗抹係面，甚或至頸，再等30至45分鐘，然後用水洗淨就可以，用法同一般creammask/gel mask冇太大分別，只係多左要攪拌呢個step～同樣無味，敏感肌可安心使用～用後肌膚會即時摸落細滑柔軟，膚色感覺上都均匀左同白左，肌膚亦好似注滿水咁水潤彈白～獨立包裝同即時混合令呢個面膜好新鮮，亦唔會怕開封後會滋生細菌呢個問題，因為佢係即開即用，可惜我覺得個枝小刮比較短，用起黎唔夠方便，隻手都會痴左好多乳霜狀既面膜～

最後我就會用再生水凝修護霜去lock實面上既水份同之前所注入既營養，令肌膚可以持續水潤細滑～佢係淺藍色無味既gel狀修護霜，好易推同較一般cream吸收，而且用既份量唔需要多，好抵用～用後唔會笠亦唔會滿面油光，肌膚更會變得水潤彈滑，令之前做過既美容效果得以延續～

Day 2: 1. 緊緻嫩肌導入原液 + 2. 再生水凝修護霜

由於Day 1敷既O2深層注氧補濕面膜都last到幾日左右，所以Day 2只用緊緻嫩肌導入原液同再生水凝修護霜去keep住個效果，亦希望可以改善面頰較乾燥同唔夠firm既情況～潔面爽膚後先用緊緻嫩肌導入原液作為精華，配合適當既按摩，再塗再生水凝修護霜去鎖水補濕同時可以促進肌膚細胞再生，令受損既細胞得以修復～

Day 3: 1. 緊緻嫩肌導入原液 + 4. V-lift極緻塑形提升面膜 + 2. 再生水凝修護霜

潔面爽膚後先用緊緻嫩肌導入原液作打底，再使用V-lift極緻塑形提升面膜，呢個係一塊乾既面膜，有黏性既一邊為親膚既一邊，要注意既係要度好位先meet開膠膜痴上面，否則呢個面膜有機會黏性既一邊黏埋一齊，由於黏性都比較強既關係，所以要分開佢地都要時間同功夫，仲會令成張面膜冇咁黏，功效冇咁好，真係真係要小心貼！但咁黏又有另一個好處既，就係貼係下巴位再將兩端掛好係耳仔之後真係發覺有收緊既感覺，敷30至45分鐘左右就可以，用後睇落塊面真係有返線條，唔會再咁包，效果令我好滿意，仲可以last到幾日添，用黎急救都算係一個唔錯既選擇～到最後梗係塗返再生水凝修護霜去做返補濕同滋潤～

Day 4: 6. 毛孔淨化2 in 1去黑頭套裝+ 1. 緊緻嫩肌導入原液 + 2. 再生水凝修護霜

潔面爽膚後我會先用毛孔淨化2 in 1去黑頭套裝既step 1，step 1既鼻貼應該係黑頭導出液，只要敷10至15分鐘，黑頭白頭就會乖乖浮晒上面，只要輕輕用棉花棒按摩一下就可以輕易將黑頭白頭清理，完全唔使用死力、蠻力，之後就可以敷step 2去將毛孔收細同做返控油既工作，敷5至10分鐘就可以完全晒整個毛孔淨化2 in 1去黑頭套裝架啦～呢一set去黑頭既套裝比其他品牌既去黑頭套裝有兩大優勝之處：第一、無香；第二、完全冇唔舒服或者刺鼻既感覺，只有少許涼既感覺！

然後我就會用緊緻嫩肌導入原液作精華，再用再生水凝修護霜，令肌膚keep住水嫩細滑～

Day 5: 1. 緊緻嫩肌導入原液 + 5. 亮白黑啫喱眼膜 + 2. 再生水凝修護霜

先用緊緻嫩肌導入原液作打底，再用亮白黑啫喱眼膜，敷之前當然可以先用眼部精華做打底先，呢隻眼膜好就好在可以敷埋眼蓋既位置，只要敷20至40分鐘，眼部肌膚就得以注水亮白，而黑眼圈都明顯開始減淡，黑眼圈既位置會開始微紅，相信係眼膜有助眼周血液循環既證據～同時眼部肌膚亦比之前亮白左，眼尾既細紋開始減淡～又無香，唔錯唔錯～之後我就會塗返再生水凝修護霜，甚或至會塗埋眼霜去補水鎖水、修護細嫩既肌膚。

完成左五日既Home Salon Therapy體驗之後，發現肌膚變得更幼嫩水潤，就好似飲飽水咁，再配合按摩，睇落比之前冇咁包包面，可能係配合緊緻嫩肌導入原液再按摩淋巴位置，令效果更明顯～而去黑頭貼所用既去黑頭方法就唔會令毛孔變得粗大，亦唔會有一種好涼好涼好唔舒服既感覺，十分好～眼膜方面，或者係我唔小心導致既，一開就有少少爛，但效果都好好，證明到真係啫喱眼膜黎架～另外既產品都好好～好值得回購～