今年年頭，各大歐美品牌陸續推出氣墊粉底，但韓國等既品牌已經推出左氣墊類產品一排，到底歐美品牌點解要咁遲先推出氣墊粉底呢？到底研究咩要研究咁耐呢？同韓國品牌既氣墊粉底有咩唔同呢 ？
好幸運～我今次可以試到Biotherm最新推出既氣墊粉底，更可從而了解一下歐美品牌氣墊粉底既獨特之處～眾所週知，Biotherm既產品出名補濕力強，而且價格比較合理，計落性價比極之高～今次既新品亦唔例外～
Biotherm超水感持妝氣墊粉底SPF23/PA++只有兩隻色 - 亮白色同自然色，而今次試用既係比較適合我既亮白色～輕輕印上面後已經發現細紋幼紋開始減退，肌膚摸落好清爽透薄，一啲都唔笠，而感覺好保濕，用左成日都冇浮粉，仲好貼服自然～加上粉底配合極少量極幼既閃粉，睇落更加醒神，肌膚亦能達到提亮既效果～遮瑕能力還好，我既千年黑眼圈只遮到一半，但小瑕疵就一take過遮晒～總之，成個底妝睇落好透薄自然、水潤亮澤，我好鐘意～
Biotherm超水感持妝氣墊粉底SPF23/PA++既粉盒好簡約自然，感覺好舒服～
粉芯同粉盒分開，需要獨立購買，成個感覺都好簡約清新，好鐘意！
一上手已經睇到手上既細紋減退左，保濕得黎又唔笠，肌膚既亮度亦有所提升～
略略講下用法先，搽左平日用既護膚品之後，我會先搽妝前底霜，咁就可以進行初步既調色、提亮膚色同防曬～當然，嫌底霜防曬度數唔夠高既話可以先搽防曬再搽底霜～搽完就可以用附送既粉撲將粉底輕輕印上臉，記得係由中間向外咁輕輕印上就可以架啦，唔好忘記頸都要印上架～唔係就兩截色架啦
方便大家對比，右邊搽左粉，明顯黑眼圈淡左，細紋都少左，亦十分透薄自然，肌膚睇落更透白無瑕～
完全唔會變「粉樣」，簡簡單單畫眉、畫眼線、搽胭脂、搽唇膏就可以出街，想打造自然裸妝？話咁易～
留言列表
個人護理用品試用 (1)
