Chair MaMa 的愛美日誌

洗面後好繃緊？皮膚好暗啞？搽幾多護膚品都好乾？可能你需要佢 - Innisfree 綠茶籽精萃水份菁露！

洗面後既三秒鐘可以話係黃金三秒，皮膚繃唔繃緊、續後既護膚品吸唔吸收，都睇你把唔把握到呢三秒～而呢枝innisfree既綠茶籽精萃水份菁露就可以幫你把握到個三秒啦，由於洗面後個三秒塊面仲有唔少水氣，所以只需一泵就可以搽晒面同頸架啦，計起黎真係好抵用！而且面部既水份仲得到即時即提升～仲一啲都唔笠，輕輕按摩一陣已經完完全全吸收晒架啦～連續用左幾日，我發覺塊面冇咁黃，比以前更有光澤、更水嫩！

Too Cool For School既化妝品一向都係玩味濃，感覺上佢既質量都係一般般，但經過今次試用佢地既白滑雞蛋提拉緊緻面霜之後，我對呢個牌子完完全全地改觀～
Too Cool For School 白滑雞蛋提拉緊緻面霜呈黃色，而質地就好似cream狀，但好杰身，仲可以好似cheese咁拉到絲出黎，感覺上好rich～但搽上面就易推開，輕輕按摩一陣就吸收晒，滋潤得黎又唔笠，肌膚既光澤感仲即時提升，摸落嫩滑左，肌膚中既水份仲得到即時即提升，效果唔錯，比想像中好好多添～呢隻cream我會選擇夜晚搽，咁一起身就可以潤、白、彈、滑，塊面仲firm左，冇咁包～上妝都易啲，塊面睇落都瘦啲～一起身，肌膚就好似剝殼雞蛋咁～正！

美白、抗氧化、保濕都係我護膚程序不可或缺既部份，更有唔少sis以美白為終身事業～其實美白既產品除左洗面乳、精華、面霜同面膜之外，仲有sleeping mask架！L'OCCITANE最新出既白皇后亮白睡眠面膜就一個唔錯既選擇啦，可以令肌膚淨白之餘，仲有補水、修護、亮肌、均勻膚色、回復皮膚彈性、阻截色素及泛黃等功效，真係多到講唔晒呀！一次過有齊咁多個護膚功效，滿足晒我既願望呀！

其實L'OCCITANE既美白產品一真都有唔錯既口碑，而白皇后亮白睡眠面膜的確令我對呢個品牌眼前一亮；首先啫喱乳霜狀令皮膚好快吸收，唔會有黏笠感，唔會增加皮膚既workload就可以滲透到肌底以釋放修護成份同深層補水；再者，效果不錯，一訓醒照鏡真係覺得自己白左之餘，仲keep住水潤彈滑，更有光澤，一星期用兩次左右，已經發現塊面冇咁黃，有L'OCCITANE就唔怕比人話「黃面婆」啦～！

一直都聽講果酸煥膚好掂，可以加快新陳代謝，暗粒暗倉印都褪得快啲呀，而且毛孔都會變得更細緻。但另一方面又同人話，用完『酸』一定要勁補水，否則就適得其反。

今次試用既philosophy微導煥膚睡眠修護組合可以解決我既疑慮之餘，仲可以做到我想要既效果，更重要既係訓前做兩個step，一訓醒就靚晒！

SUR PUR登陸香港只係幾個月既時間，相信大家都唔太認識呢個品牌，而今次我好榮幸可以一試佢地既『白鑽修復面膜』，試一試佢地既厲害！
SUR PUR既白鑽修復面膜係cream mask既一種，呈白色cream狀，好易推開，推開後係透明狀，推開既時候感覺到佢好rich，我仲好擔心會好難吸收添！點知一搽上面，就涼涼地，之後就感覺到有一層薄膜包住塊面。十五分鐘之後，面上既cream mask比皮膚吸收晒，皮膚即時好有光澤，再睇唔到任何cream狀既物體係塊面度，即時覺得之前既擔心 - 『覺得佢比較rich，怕好難吸收』係多餘既！洗面之後，完全冇繃緊既感覺，仲感到皮膚更飽滿、更有彈性、更有光澤，仲即時soft左，細紋仲開始減淡！第二日既底妝好貼服，效果都幾long lasting，成個人睇落都精神左好多！

每個女仔都希望擁有濃密、纖長既睫毛，令雙眼睇落更大更有神，化眼妝都可以輕手啲～但市面上既睫毛增長液都含有化學成份，例如治療青光眼既藥水，用落都有少少唔安心！好彩法國天然有機美容產品既領導品牌 - Melvita推出左一系列既有機植物油，滿足我地身體各方面既需要，當中梗係包括可以增長睫毛、促進毛髮生長同強韌指甲既有機蓖麻油啦！ Melvita有機蓖麻油可以配合睫毛修護筆使用，將有機蓖麻油搽係睫毛既根部再輕輕掃一掃睫毛，不但可以促進睫毛生長，仲可以改善睫毛脫落既情況，令睫毛更健康、更濃密、更纖長，想素顏都擁有迷人電眼？話咁易啦！仲有，有機蓖麻油可以配合棉花棒，搽係眉毛、髮線、額角等位置，都可以促進毛髮生長架！另外，有機蓖麻油仲可以搽係指甲同指甲邊，可以有效咁減少倒刺同令指甲更強韌，冇咁易折斷，同時指甲亦有光澤感，好似搽左護甲油咁呀！Melvita既有機蓖麻油真係用途多多，效果又顯著呀！
今次收到Melvita既有機蓖麻油，有50ml，而且包裝簡約，十分喜歡。

女性陰部不適唔單止會影響心情，更有機會間接影響工作表現或者人際關係。 作為女性，當然要好好保護我地既重要部位，以免影響自己既心情之餘，亦可避免我地既重要部位引起相關既疾病！而著名既家庭健康與衞生專家 - 滴露，就推出左一系列既女性衞生潔膚液，分別有『敏感防護』、『清爽呵護』、『深層倍護』，以照顧不同年紀女性既需要，幫助我地遠離害菌既侵害，令陰部亦可遠離異味同痕癢！ 作為媽媽既我，當然係用『敏感防護女性衞生潔膚液』，不含色素、香料同酒精成份，性質温和，用後覺得好清爽，即使分泌多既日子都唔會痕癢。其實做左媽媽之後，因為荷爾蒙既轉變，會令身體部位容易引起敏感，所以係需要用特定既女性衞生潔膚液去保護返重要部位，遠離痕癢同異味，同仔仔女女玩都玩得輕鬆自在啲啦！
滴露作為家庭健康與衞生專家，當然可以全面照顧我地既需要啦，當中包括潔手液、淋浴露同女性衛生潔膚液。

天氣一乾燥，皮膚就會唔聽話，上妝後更好似戴左面具咁！所以平時既補水鎖水功夫真係好重要！